त-हाडी येथे बैलपोळा उत्साहात साजरात-हाडी:-प्रतिनिधी ज्ञानेश्वर सैंदाणे उत्सव:सर्जा-राजाला सजवत मिरवणुका ; शिरपूर तालुक्यातील त-हाडी येथे आज सायंकाळी 5 वाजेला वाजत गाजत सार्वजनिक बैलपोळा साजरा करण्यात आला.घरोघरी मातीपासून तयार करण्यात आलेल्या बैलांची पूजा करून नैवेद्य अर्पण करण्यात आला, श्रावण महिन्यापासून सणांना सुरुवात होते. श्रावण संपला की बैलपोळा या पहिल्या सण येतो. खरीप हंगामात तीन महिने रानात मालकाबरोबर राबणाऱ्या सर्जा राजाचा सण अर्थात बैलपोळ्याचा सण आज १४ सप्टेंबर गुरुवार रोजी उत्साहात साजरा करण्यात आला.शेतकऱ्यांनी बैलांना स्नान घालून, बाशिंग फुगे, मणी-माळ, रंग यांनी सजवून वाद्यसह गावातून मिरवणूक काढली होती बैलाच्या पाठीवर दिले जाणारे संदेश गावाला प्रेरणा देणारे होते. घरी आलेल्या बैलांची सुवासिनींनी पूजा करून बैलांना पुरण पोळीचा नैवेद्य भरवला.
त-हाडी येथे बैलपोळा उत्साहात साजरा.
